Pagdating ng panahon film

The talumpati that I personally made for my project tomorrow. What do you think?

2015.09.27 05:19 pwil10 The talumpati that I personally made for my project tomorrow. What do you think?

Hello! I previously posted two lazy threads to get help for finding a good topic for my talumpati project. Now I got one thanks to the news, hence this I created:
Marahil ay karamihan sa atin ay nakapanood na ng isang epikong pelikulang Pinoy na pinamagatang "Heneral Luna". Ang pelikulang nabanggit ay tungkol sa isang magagalitin pero mapusok na bayaning heneral na may paninindigan para sa kalayaan ng ating Inang Bayan laban sa mga itim na mga balak ng mga dayuhang Amerikano. Dahil sa maganda nitong pagkakagawa, nakatanggap ito ng maraming mga positibong marka at isang qualipikasyon para sa Best Foreign Film sa Oscars 2016. Maraming mga nagagalak at mausisang mga mag-aaral at mga kabataan ay patuloy na sumusuporta at nanonood nito, hindi lang dahil may diskwento sa panonood ng mga estudyante, ngunit dahil nakakapulot ito ng kaalaman tungkol sa ating kasaysayan at ang pagiging makabayan, at pagmamahal sa ating tinubuang lupa.
Nakakadismaya lang malaman na may ibang mga kabataan na ignorante sa mga pinagdanaanan ng ating mga bayani. Napatunayan ito nang nagtanong ang ilang mga estudyanteng manonood kay Epy Quizon, artista na role ni Apolinario Mabini, ang dakilang paralitiko, kung bakit siya lang ang palaging nakaupo sa buong pelikula. Tamad lang daw siya at pagod, ilan nagsabi na nanunuod lang daw ng AlDub, sabi ng ilang nagkumento sa kanyang Facebook page. Ang masaklap pa, may iba ding nagkakalat ng impormasyong nakita ko sa social media na ang nagpinta ng Spolarium ay si Heneral Antonio Luna, imbis ang kanyang kapatid na si Juan Luna. Sabi ni Epi sa kanyang panayam na nakakalungkot lang na karamihan sa mga kabataan ay nananatiling mga mangmang pagdating sa ating kasaysayan. Ang tanong ko lang, ikaw din ba?
Napakahalaga sa atin na malaman ang kinagisnan ng Pilipinas, mula sa panahon ng ating mga datu at katutubong etniko, hanggang sa kasalukuyan para malaman natin kung anong mga pangyayari ang naghubog sa atin sa pagiging Pilipino, kung paano tayo umunlad bilang isang Pilipino. Kung alam natin ang kasaysayan, malaman natin kung ano ang nagawa ng ating mga bayani para sa kalayaan at autonomiya ng ating bansa. Nakikinig din tayo sa kasaysayan para maenganyo at maaliw, parang nakikinig ka ng kwento ng iyong mga magulang kung paano sila nagkita at umiibig sa isa’t-isa, o paano nakaligtas ang lolo’t lola mo sa pagiging marahas ng mga Hapon noon. Higit sa lahat, ang kaalaman sa kasaysayan ay nagiging gabay sa atin para sa kaunlaran ng ating bansa; inilalahad nito ang mga kamalian ng ating mga kababayan noon para ayusin ang ating sarili para sa ating pambansang kaunlaran. “History repeats itself”, sabi nga nila.
Sa kasamaang palad, hindi isinasapuso ng ating mga mamamayan ang kanilang nalalaman hinggil sa kasaysayan ng Pilipinas. Inimbak lang ang mga impormasyong nalikom sandali para sa isang pagsusulit, tapos bigla na lang itong nawala na parang bula. Ganon kasi tayo mag-isip. Hindi natin pinapalagahan ang mga napakikinggan istoryang puno ng sakripisyo at pagpapasakit para makatayo tayo sa ating sariling mga paa. Binabalewala lang natin ito dahil may mga bagay na mas pinapalagahan pa natin kaysa sa ating kasaysayan, ngunit ang mga bagay na ito, maniwala ka man o hindi, ay higit pang walang halaga. May iba namang mga guro na hindi masyadong sinisiryo ang pagtuturo ng HeKasi sa elementarya, katulad ng aking guro noon na palagi na lang absent at binigyan na lang kami ng pasulit kahit walang isang katingting na pagtuturo sa kasysayan. Kaya sadyang hindi interesadong matuto ang mga kabataan kahit sa mga simpleng kaalaman man lamang pagka’t may ibang mga guro na walang ganang mag-enganyo sa atin na malaman ang mga pangyayari’t mga kaganapan na naghulma sa estado ng ating bansa.
Ganunpaman, nakakaalarma na ito, sapagkat sa simpleng kamangmangan natin sa ating kasaysayan ay magdudulot ng puwang kung ano tayo bilang isang mamamayan ng sarili nating bansa. Kahit na hihikayatin ang ating sarili na mahal natin ang pagiging Pilipino, ay wala pa rin itong saysay kung mangmang din tayo sa ating kasaysayan. Sana walang nang mga igoranteng mga kababayan na nananatiling tanga sa sariling atin. Sana tulungan natin ang ating sarili na maging mausisa kahit paminsan-minsan sa ating kasayayan; sa mga panahong nakipaglaban ang ating mga kapawang Pilipino noon sa mga dayuhang mananakop, sa pargtatag ng ating pansariling pamahalaan, at paano tayo nagkaisa para sa kaunlaran ng ating bansa. Kaya kumuha na tayo ng aklat, mag browse sa internet, at magbasa tayo ng mga kwentong nagmolde sa atin bilang mamamayang Pilipino.
I'm not really an expert when it comes to Filipino, though I am a Filipino, so I may have a little difficulty in constructing every sentence. But I made it tho. So what do you think? Is iT good? Or is it........bleh. Any help would be greatly appreciated. Thanks guys!
EDIT: Edited
submitted by pwil10 to Philippines [link] [comments]